ESG (Environmental, Social, Governance) қағидаттары қоршаған ортаны қорғауға, қолайлы әлеуметтік жағдайларды жасауға және жақсы корпоративтік басқаруға негізделген компания тәжірибесі болып табылады.

Алғаш рет ESG тәсілдері 15 жылдан астам уақыт бұрын тұжырымдалып, «Жауапты инвестициялар қағидаттары» құжатында бекітілген. Бүгінде оған 5 мыңнан астам ұйым қол қойған. Қағидалардың талаптары – планетаның тұрақты дамуына үлес қосу, яғни экономикалық өсу, әлеуметтік әл-ауқат және қоршаған ортаны сақтау арасындағы тепе-теңдікке қол жеткізу.

ESG қағидаттарын және жалпы тұрақты даму күн тәртібін есепке алмағанда, бизнеске ірі инвестицияларды тарту және әлемдік нарықта бәсекеге түсу қиындай түсуде. Бүгінгі таңда ESG тәсілдерін компаниялардың жұмысына енгізу, сондай-ақ сұранысы жыл сайын артып келе жатқан мамандандырылған мамандарды оқыту және тарту қажет.